Сув спорти. \"Олимпия шаҳарчаси\"да World Aquatics минтақавий маркази очилди

Пойтахтимизда World Aquatics (Бутунжаҳон сузиш федерацияси) Ижроия қўмитаси Бюросининг навбатдаги йиғилиши ўтказилди. Мазкур тадбир доирасида Бутунжаҳон сузиш федерацияси (World Aquatics) президенти, Осиё Олимпия кенгаши Бош директори Ҳусайн Ал Мусаллам, Бюро аъзолари, шунингдек, Осиё Паралимпия қўмитаси президенти Мажид Рашид "Олимпия шаҳарчаси" ҳудудидаги сув спорт турлари саройига ташриф буюрди.

Меҳмонлар мажмуа билан танишиб, унда машғулот ўтаётган спортчилар билан яқиндан суҳбатлашишди. Тадбирда Uzbekistan Aquatics федерацияси раиси Қудратилла Рафикoв, шунингдек, World Aquatics раҳбари Ҳусайн ал-Мусаллам сўзга чиқиб, юртимизда сув спорти турларини ривожлантириш йўлида олиб борилаётган ислоҳотларни эътироф этишди.

Иброҳим Жалолов

Редактор