Suv sporti. Olimpiya shaharchasida World Aquatics mintaqaviy markazi ochildi
Poytaxtimizda World Aquatics (Butunjahon suzish federatsiyasi) Ijroiya qo'mitasi Byurosining navbatdagi yig'ilishi o'tkazildi. Mazkur tadbir doirasida Butunjahon suzish federatsiyasi (World Aquatics) prezidenti, Osiyo Olimpiya kengashi Bosh direktori Husayn Al Musallam, Byuro a'zolari, shuningdek, Osiyo Paralimpiya qo'mitasi prezidenti Majid Rashid "Olimpiya shaharchasi" hududidagi suv sport turlari saroyiga tashrif buyurdi.
Mehmonlar majmua bilan tanishishib, unda mashg'ulot o'tayotgan sportchilar bilan yaqindan suhbatlashishdi. Tadbirda Uzbekistan Aquatics federatsiyasi raisi Qudratilla Rafikov, shuningdek, World Aquatics rahbari Husayn al-Musallam so'zga chiqib, yurtimizda suv sporti turlarini rivojlantirish yoʻlida olib borilayotgan islohotlarni e'tirof etishdi.
