Superbet Chess Classic Romania. Нодирбек Абдусатторов илк ғалабасини қўлга киритди Нодирбек Абдусатторов — Ян-Криштоф Дуда устидан зафар қучди
Сўнгги кунларда Руминиянинг Бухарест шаҳри классик шахмат бўйича нуфузли халқаро турнир — Superbet Chess Classic Romania мусобақасига мезбонлик қилмоқда. У Grand Chess Tour 2025 таркибига кириб, жаҳоннинг етакчи гроссмейстерларини бир майдонга тўплади.
Турнирнинг мукофот жамғармаси 350 000 АҚШ долларини ташкил этади, ундан 100 000 доллар ғолибга насиб этади. Бош соврин учун олиб борилаётган курашда ўзбекистонлик Нодирбек Абдусатторов ҳам иштирок этмоқда.
Еттинчи тур доирасидаги барча учрашувлар дуранг билан якунланди. Аммо Нодирбек Абдусатторов поляк гроссмейстери Ян-Криштоф Дуда устидан иродали ғалабага эришиб, турнирдаги илк ютишини қайд этди. Бу натижа уни жадвалдаги ўрнини яхшилашга хизмат қилди.
Ҳозирда 4 очкодан жамғарган тўрт нафар шахматчи кучли тўртликни ташкил қилмоқда. Қўшимча кўрсаткичларга кўра, америкалик Фабиано Каруана пешқадамликни сақлаб турибди. Амалдаги жаҳон чемпиони, ҳиндистонлик Гукеш Доммараджу эса 2,5 очко билан охирги — 10-ўринни эгаллаб турибди.
15 май куни турнирнинг саккизинчи тур учрашувлари бўлиб ўтади. Нодирбек Абдусатторов ушбу босқичда турнир жадвалида иккинчи поғонани эгаллаб турган франциялик Алиреза Фирузжага қарши қора доналарда ўйнайди.