Стол тенниси. Ўзбекистон жамоаси машғулотларни бошлаб юборди

Жорий йилнинг 25-сентябр – 9-октябр кунлари Озарбайжоннинг Габала, Гянджа, Гёйгёл, Мингечаур, Шеки, Ханкенди, Евлах шаҳарларида МДҲ давлатлари халқаро спорт ўйинлари ўтказилади.

Мазкур мусобақада иштирок этиш учун Ўзбекистон спорт делегацияси ҳам Озарбайжонга етиб борди.

МДҲ давлатлари халқаро спорт ўйинлари мусобақалари 26-сентябрдан старт олади. Илк баҳслар стол тенниси бўйича ўтказилади.

Стол тенниси бўйича Ўзбекистон миллий терма жамоаси аъзолари ҳам ўзларига ажратилган биноларда жойлашиб, эртанги мусобақа учун машғулотларни олиб боришмоқда.

Қайд этиш лозим, мазкур мусобақада 9 та МДҲ давлати ҳамда 15 та таклиф этилган давлатдан 23 та спорт тури бўйича 3 500 нафардан ортиқ спортчилар 246 та жамланма медаллар учун баҳс олиб боради.

Иброҳим Жалолов

Редактор