Stol tennisi. O'zbekiston jamoasi mashg'ulotlarni boshlab yubordi
Joriy yilning 25-sentabr – 9-oktyabr kunlari Ozarbayjonning Gabala, Gyandja, Gyoygyol, Mingyachevir, Sheki, Xankendi, Yevlax shaharlarida MDH davlatlari xalqaro sport o‘yinlarida o‘tkaziladi.
Mazkur musobaqada ishtirok etish uchun O’zbekiston sport delegatsiyasi ham Ozarbayjonga yetib bordi.
MDH davlatlari xalqaro sport o’yinlari musobaqalari 26-sentabrdan start oladi. Ilk bahslar stol tennisi bo’yicha o’tkaziladi.
Stol tennisi bo’yicha O’zbekiston milliy terma jamoasi a’zolari ham o’zlariga ajratilgan binolarda joylashib ertangi musobaqa uchun mashg’ulotlarni olib borishmoqda.
Qayd etish lozim mazkur musobaqada 9 ta MDH davlati hamda 15 ta taklif etilgan davlatdan 23 ta sport turi bo‘yicha 3 500 nafardan ortiq sportchilar 246 ta jamlanma medallar uchun bahs olib boradi.
