Спортда допинг қўлланилишини олдини олиш ва допингга қарши курашиш бўйича семинар ўтказилди
Ўзбекистон Республикаси Вазирлар Маҳкамасининг 2025-йил 4-мартдаги 27/29-202-сон билан рўйхатга олинган Спортда допинг қўлланилишини олдини олиш ва допингга қарши курашишни янада такомиллаштириш бўйича чора-тадбирлар режаси ижросини таъминлаш мақсадида, Тошкент шаҳар Яккакураш спорт турларига ихтисослаштирилган спорт мактабида семинар ўтказилди.
Ушбу семинарда Тошкент шаҳар спорт бошқармаси ходимлари ҳамда Миллий антидопинг агентлиги мутахассислари, 14 ёшдан юқори бўлган спортчилар, тренерлар иштирок этдилар.
Семинарда мутахассислар томонидан спортда допинг қўлланилишини олдини олиш ва допингга қарши курашиш, бутунжаҳон антидопинг кодексидаги спорт ташкилотларининг роли ва мажбуриятлари, антидопинг қоидабузарликлари, допинг тест топшириш жараёни, спортчи ёки вакилнинг ҳуқуқ ва мажбуриятлари, мураббий ёки бошқа шахс томонидан содир этиладиган камчиликлар ва хатоликлар бўйича тушунчалар берилди. Семинар сўнгида иштирокчилари ўзларининг қизиқтирган саволларига мутахассислар томонидан жавоб олдилар.
