Соҳил волейболи. Барчаси Филиппиндан бошланади

Бошқа спорт турлари 02 апр 2025 да 01:00

Иброҳим Жалолов

Редактор

Соҳил волейболи бўйича Осиё ва Олимпия ўйинлари сари илк қадамлар Филиппин давлатидан бошланади.

Гап шундаки, 2 апрелдан Филиппинннинг Нували шаҳрида соҳил волейболи бўйича эркаклар ва аёллар жамоалари ўртасида “AVC BEACH TOUR” 2-очиқ халқаро турнири старт олади. Ушбу мусобақа Осиё ва Олимпия ўйинлари йўлидаги муҳум очколарни жамғариш имкониятини тақдим этади.

Аёллар баҳсида йигирмата давлат вакиллари қаторида ҳамюртларимиз Зарнигора Асқарова/Нозимахон Жамолова жуфтлиги ғолиблик учун кураш олиб борса, эркаклар ўртасидаги баҳсларда Дилшодбек Толибоев/Азамат Даулибоев ҳамда Ғолибжон Мустафоев/Нодиржон Алексеевлар ўз омадларини синаб кўришади.

Халқаро турнир 5 апрелга қадар давом этади.