Соҳил футболи терма жамоаси йиғинни бошлади
Терма жамоалар марказида соҳил футболи бўйича Ўзбекистон миллий терма жамоасининг навбатдаги ўқув-машғулот йиғини бошланди.
Миллий терма жамоа бош мураббийи Аҳаджон Юсупов мазкур йиғинга 17 нафар футболчини жалб этди. Уларнинг 3 нафари дарвозабон, 14 нафари эса майдон ўйинчиларидир.
24-июн куни кечки пайт старт олган йиғин 30-июнга қадар давом этади. Машғулотларнинг дастлабки икки кунида мураббийлар штаби футболчиларнинг жисмоний ҳолатини тиклаш ва функционал тайёргарлигини яхшилашга асосий эътиборни қаратмоқда. Шу сабабли бу даврда тўп билан ишлаш машқлари кунига бир маҳалдан олиб борилади.
Йиғиннинг учинчи кунидан бошлаб юкламалар оширилади. Номзодлар ҳар куни икки маҳалдан ўтказиладиган интенсив машғулотларда иштирок этиб, бўлажак мусобақаларга пухта ҳозирлик кўришади
