Слаломда эшкак эшиш бўйича Ўзбекистон терма жамоаси жаҳон кубогининг кетма-кет икки босқичида ҳам иштирок этади
Слаломда эшкак эшиш бўйича Ўзбекистон терма жамоаси жаҳон кубогининг кетма-кет икки босқичида ҳам иштирок этади.
5–7-июн кунлари спортчиларимиз Чехиянинг Прага шаҳрида жойлашган “Троя” сунъий слалом трассасида ўтказиладиган жаҳон кубогининг II босқичида қатнашишади. Шундан сўнг, 12–14-июн саналарда терма жамоамиз Германиянинг Аугсбург шаҳрида бўлиб ўтадиган жаҳон кубогининг III босқичида ҳам ўз иштирокини давом эттиради.
Спортчиларимиз нуфузли халқаро мусобақаларга тайёргарлик кўриш ва унда муносиб иштирок этиш мақсадида эртага Прага шаҳрига жўнаб кетишади.
Терма жамоамиз таркиби:
Анвар Клевлеев
Павел Эйгел
Жанибек Темиргалиев
Самандар Саидуллаев
Мураббийлар штаби:
Рустам Рўзиев
Самуэль Обрадор Хернанз
Эслатиб ўтамиз, ушбу муҳим мусобақалардан сўнг спортчиларимизни яна бир йирик старт — АҚШнинг Оклахома-Сити шаҳрида 20–25-июль кунлари бўлиб ўтадиган слаломда эшкак эшиш бўйича жаҳон чемпионати кутмоқда.
Терма жамоамизга халқаро майдонларда омад, ёрқин чиқишлар ва юқори натижаларни тилаб қоламиз!
