Слаломда эшкак эшиш бўйича Ўзбекистон миллий терма жамоаси Франциянинг Вер-сюр-Марн шаҳрида жаҳон кубогининг тўртинчи босқичида иштирок этмоқда

Слаломда эшкак эшиш бўйича Ўзбекистон миллий терма жамоаси Франциянинг Вер-сюр-Марн шаҳрида жаҳон кубогининг тўртинчи босқичида иштирок этмоқда.

Икки йил аввал Париж-2024 Олимпия ўйинлари баҳслари ўтказилган ушбу спорт масканида дунёнинг 48 давлатидан 238 нафар спортчи яна бир бор жам бўлди. Улар орасида Ўзбекистон шарафини ҳимоя қилаётган 4 нафар слаломчимиз ҳам бор.

Икки нафар каноэчи ва икки нафар каякер - Жанибек Темиргалиев, Павел Эйгель, Анвар Клевлеев, Иброҳим Носиржонов яккалик баҳсларда ҳамда каяк кросс йўналишида Жанибек ва Павел ўз имкониятларини синовдан ўтказишмоқда.

Спортчиларимизга жаҳон кубогининг бу босқичида омад ва муваффақият тилаймиз!

Иброҳим Жалолов

Редактор

0 0 0 0 0 0