Слаломчиларимиз Осиё чемпионатида 6 та медал қўлга киритишди
Терма жамоамиз мазкур қитъа биринчилигини 1 та олтин, 3 та кумуш ва 2 та бронза медаллари билан якунлади.
Бошқа спорт турлари
Sports24.uz'ни Google'га қўшиш
Фото: Olympic.uz
Хитойнинг Сияси шаҳрида слаломда эшкак эшиш бўйича Осиё чемпионати якунга етди. Мусобақанинг сўнгги кунида Ўзбекистон терма жамоаси ҳисобига 1 тадан олтин ва бронза медаллари қўшилди.
Олтин медалга байдаркачи Жонибек Темиргалиев кросс йўналишида сазовор бўлди. Қолаверса, у классик слалом дастурида шоҳсупанинг учинчи поғонасидан жой олди.
Шу тариқа, терма жамоамиз мазкур қитъа биринчилигини 1 та олтин, 3 та кумуш ва 2 та бронза медаллари билан якунлади.
Розикжон Султонмуродов
Журналист