Сирдарёда мактаб ўқувчилари спорт синовларидан ўтмоқда

Сирдарё вилоятида ёшларнинг жисмоний салоҳиятини оширишга қаратилган спорт синовлари изчил давом этмоқда.

Жумладан, Ширин шаҳридаги 2-умумтаълим мактабида ўқувчиларнинг “Жисмоний тайёргарлик даражаси” спорт синовлари белгиланган нормативлар асосида ташкил этилди. Синов жараёнлари жисмоний тарбия фани ўқитувчилари томонидан юқори савияда олиб борилди.

Мазкур синовларда 7 ёшдан 17 ёшгача бўлган ўқувчилар фаол иштирок этиб, қуйидаги йўналишлар бўйича ўз куч ва маҳоратларини синовдан ўтказдилар:

60 метрга пастки стартдан югуриш
3x10 метрга мокисимон югуриш
Арғамчида сакраш
Баскетбол тўпини саватга ташлаш

Бу каби тадбирлар ёшларни соғлом турмуш тарзига йўналтириб, уларнинг спортга бўлган қизиқишини янада оширмоқда.

Розикжон Султонмуродов

Журналист

0 0 0 0 0 0