Сирдарё вилояти, Ховос тумани 1- ва 2-сонли спорт мактабларига замонавий спорт жиҳозлари ва спорт формалари ажратиб берилди
Ёшлар ўртасида соғлом турмуш тарзини кенг тарғиб этиш ҳамда мураббийлар ва спортчилар учун машғулот жараёнларида қулай шароитлар яратиш мақсадида Сирдарё вилояти, Ховос тумани 1- ва 2-сонли спорт мактабларига замонавий спорт жиҳозлари ва спорт формалари ажратиб берилди.
Тадбир давомида жамоавий ва якка кураш спорт турлари, жумладан волейбол, футбол, баскетбол, гандбол, бокс, кураш, таэквондо каби спорт йўналишлари учун зарур бўлган анжомлар спорт мактаблари ихтиёрига топширилди.
Хусусан, 12 номдаги жами 844 дона спорт жиҳозлари ҳамда 2 номдаги 558 дона спорт формалари спортчилар ва мураббийлар фойдаланиши учун берилди. Ушбу жиҳозлар машғулотлар сифатини ошириш, спортчиларнинг жисмоний ва техник тайёргарлигини мустаҳкамлашда муҳим аҳамият касб этади.
