Синдаров фаворит, аммо жаҳон тожига йўл осон бўлмайди — Ян Непомнящий
Жаҳон чемпионлиги учун икки марта курашган россиялик гроссмейстер Ян Непомнящий "The Hindu" нашрига берган интервьюсида Жавоҳир Синдаров ва Гукеш ўртасидаги бўлажак баҳс ҳақида фикр билдирди.
Гроссмейстернинг таъкидлашича, жаҳон чемпионлиги учун баҳс оддий турнирдан бутунлай фарқ қилади.
“Турнирда бир партияни ёмон ўтказсангиз, кейинги рақибни ютиб, вазиятни ўнглашингиз мумкин. Бу ерда эса доим битта рақибга қарши ўйнайсиз. Синдаров ва Гукеш жуда ёш. Бу ёшда спорт формаси тез ўзгариши мумкин. Ҳозир Синдаров катта фаворит, аммо имкониятларни 80:20 деб баҳоламаган бўлардим. Менимча, 65:35 нисбати ҳақиқатга яқинроқ”, — деган Непомнящий.
Шунингдек, россиялик гроссмейстер дастлабки партиянинг аҳамиятини алоҳида таъкидлаган. Унинг фикрича, Синдаров ғалаба билан бошласа, устунлигини янада ошириши мумкин. Баҳс Гукешнинг ғалабаси билан бошланса турнирнинг кейинги ўйинлари бутунлай ўзгариши мумкин.
