Шахмат. Уэсли Со Америка Кубоги 2026 турнири ғолиби бўлди
ГМ Уэсли Со Сент-Луисда ўтказилган Америка Кубоги 2026 турнирида чемпионликни қўлга киритди. У финалда Левон Аронянга қарши ўйнаб, биринчи партиядаги ғалабадан сўнг иккинчи ўйинда зарур бўлган дурангни қайд этди ва умумий ҳисобда 1,5 : 0,5 билан ғалаба қозонди.
Турнир давомида у атиги битта партияни — ГМ Фабиано Каруанага қарши бой берди.
Бу ғалаба Со учун ўзига хос реванш ҳам бўлди: 2024-йилда айнан Аронян бу турнирда ундан устун келганди.
Чемпион сифатида Уэсли Со 75 000 доллар мукофот ҳамда 15 000 доллар бонусни қўлга киритди.
Со учун бу 2026-йилги иккинчи турнир ғалабаси бўлди. У йил бошида 🇮🇳 Tata Steel Chess India Open Blitz мусобақасида ҳам биринчи ўринни эгаллаган эди.
Кейинги турнири — Grenke Chess Festival 2026 (Freestyle) бўлиб, у 2–6 апрел кунлари Германияда ўтказилади.
Со ғалабадан кейин камтарлик билан шундай деди:
“Катта турнирларни тез-тез ютмайман, шунинг учун бу ғалаба мен учун жуда ҳайратланарли бўлди.”
