Шахмат. Ричард Раппорт: Номзодлар турнирида ҳатто кимлар ўйнаётганини ҳам эслолмайман. Мен у ерда йўқман — шу аниқ!
Ричард Раппорт 2022 йилда Мадридда ўтган Номзодлар турнири иштирокчиси бўлган. Энди эса Кипр-2026 ҳақида ҳазил аралаш фикр билдирди.
“Эҳтимол, кўп ҳурматни йўқотарман, лекин ростини айтсам, ҳозир Номзодлар турнирида кимлар ўйнаётганини аниқ эслолмайман. Мен у ерда йўқлигимни биламан — мана шу қисми аниқ. Фаби ва Ҳикару бор, шундайми?”
Раппортнинг айтишича, 2022 йилдаги таркиб жуда кучли бўлган:
“Биз ўйнаган пайтда энг паст рейтингли иштирокчи, назаримда, Дуда эди — ва унинг рейтинги ҳам 2750 атрофида эди.”
Унинг фикрича, айлана (round-robin) форматидаги турнирларда кўпинча ғалаба “энг қийин рақиблар” устидан эмас, балки формаси пастроқ кетаётган ўйинчилар устидан олинадиган очколар орқали ҳал бўлади.
Раппорт бу динамикани шундай тушунтиради: кучли кетаётган рақибларга қарши эҳтиёткор ўйнайсан, дуранг қиласан. Аммо кимнидир 2:0 ютсанг, асосий рақобатчинг эса у билан икки дуранг қилган бўлса — мана сенга бир очколик фарқ. Шунда босим унинг зиммасига тушади.
“Шундан кейин у сенга қарши таваккал қилишга мажбур бўлади. Сен эса пухта ўйнайсан — ва ҳатто яна ютишинг ҳам мумкин”
Унингча, ҳозирги Номзодлар турнири маълум маънода янада “очиқроқ”:
“Пастроқ формадги ўйинчилар кўпинча бошқалар очко олишга уринадиган нишонга айланади. Лекин бу уларга ҳам имконият беради — чунки рақиблар кўпроқ таваккал қилади. Масалан, Дин Лижэн. У паст рейтингли эмасди, лекин Номзодлар турнирининг биринчи ярмидан кейин математик жиҳатдан ғалаба учун имконияти қолмаган ягона ўйинчи эди. Охир-оқибат эса Жаҳон чемпиони бўлди. Бу бир оз кулишли.”
