Шахмат. Гранд Свисс хотираси: Блюбаум ва синиқ лаганлар тарихи
Маттиас Блюбаум Гранд Свисс турнирида 2-ўринни эгаллаганидан сўнг, ташкилотчилар томонидан эсдалик совғаси сифатида лаган билан тақдирланди. Аммо бу совғанинг саргузашти кутилмаган тарзда давом этди.
Маълум бўлишича, немис гроссмейстери лаганни багажга топширган ва у йўлда синиб кетган. Шундан сўнг, Самарқанддан унга янги лаган юборилди. Афсуски, иккинчи лаганнинг тақдири ҳам унчалик омадли бўлмади.
— Энди менда иккита синиб кетган "пицца ликопчалари" бор! Биринчиси қайтиш йўлида омон қолмади, шундан кейин Ўзбекистондаги ташкилотчилар менга янгисини жўнатишди. Афсуски, у ҳам синиб кетди.
Энди мен иккита синиқ лаганлардан қандай қилиб сақлаб қолса бўладиган бирор сувенир ясаш мумкинлиги ҳақида ўйлашим керак. Қандай бўлмасин, бу турнирни доим эслатиб турадиган бирор нарса қолишини хоҳлайман, — деди Блюбаум.
Маттиас бу синиқ лаганлардан қандай сувенир ясашини ҳозирча айтиш қийин, бироқ бир нарса аниқ — бу Маттиас учун Гранд Свиссдан ўзига хос ёрқин хотира бўлиб қолди.
