Шахмат. Дилноза Нуруллаева жаҳон чемпионлиги учун баҳс олиб боради
СПОРТ МАКТАБИ ШАХМАТЧИСИ ИЛК БОР ЖАҲОН ЧЕМПИОНАТИДА ДОНА СУРАДИ
Халқаро шахмат федерацияси (FIDE) тақвим режасига асосан, 3-16 октябр кунлари Албания давлатининг Дуррес шаҳрида ўн тўрт ёшгача (U-14), ўн олти ёшгача (U-16) ва ўн саккиз ёшгача (U-18) бўлган ўғил болалар ва қизлар ўртасида шахмат бўйича 2025 йилги жаҳон чемпионати ўтказилади.
Ушбу мусобақада 83 та давлатнинг 700 нафардан зиëд энг сара ёш “ақл гимнастикаси” соҳиблари қатнашади. Жумладан, барча ёш тоифасида ўзбекистонликлар ҳам иштирок этади.
Спортнинг ўйин турлари ва енгил атлетика бўйича ихтисослаштирилган спорт мактаби тарихида Дилноза Нуруллаева илк бор ёш шахматчиларнинг мазкур нуфузли анжуманида жаҳон чемпионлиги учун баҳс олиб боради. Аниқроғи, тренер Динара Алибекованинг иқтидорли шогирди U-14 ёш тоифасининг қизлар биринчилигида дона суради.
Дилнозага мусобақада омад тилаймиз!
