Шахмат. Америка кубоги: Номзодлар турнирига АҚШликлар қандай тайёргарлик кўрмоқда?
Saint Louis Chess Club 2–13 март кунлари ўтказиладиган Америка кубоги иштирокчиларини эълон қилди. Турнирда 8 нафар гроссмейстер қатнашади: Фабиано Каруана, Уэсли Со, Лейниер Домингес, Левон Аронян, Рэй Робсон, Самуэл Севян, Авондер Лян, Абхиманью Мишра
Энг қизиқ жиҳат — Каруананинг иштироки. Чунки турнир тугаганидан атиги икки ҳафта ўтиб у Номзодлар турнирида майдонга тушади. Демак, бу қандайдир маънода жиддий турнир олдидан тайёргарлик.
Яна бир Номзодлар турнири иштирокчиси — Хикару Накамура (ўтган йилги кубок ғолиби) эса бу сафар турнирни ўтказиб юбормоқда. Эҳтимол, у Номзодлар мусобақасига тайёргарликка тўлиқ эътибор қаратишни маъқул кўрган.
*Шунингдек, рўйхатда Ханс Ниман йўқ, чунки у бу саналарда (25-феврал — 6-март) ватандошларимиз Нодирбек Абдусатторов ва Якуббоев билан Прага Chess Festivalда иштирок этади.
Каруана учун бу турнир — формасини ва дебют тайёргарлигини текшириш учун имконият. Аммо ўйин амалиёти фойда берaдими ёки Накамура танлаганидек ёпиқ тайёргарлик самаралироқми?
29-март — 15-апрел кунлари Номзодлар турнирида билиб оламиз
