Шахмат. Абдусатторов тарихий статистикани ўзгартириши мумкин!

Grand Chess Tour сериясида шу вақтгача рапид йўналишида 2-ўриндан паст натижа қайд этиб, якунда бутун турнирда ғолиб чиққан Magnus Карлсендан бошқа бирорта ҳам шахматчи кузатилмаган.

Нодирбек Абдусатторов мусобақанинг рапид қисмида 11 очко тўплаб, 3-ўринни эгаллаган эди.

18 турдан иборат блиц баҳсларининг 15 тури ортида қолди. Ҳамюртимиз 22 очко тўплаб, Алиреза Фирузжа билан 1-ўринни бўлишиб турибди.

Карлсен бундай камбекни ўз фаолиятида 4 марта амалга оширишга эришган.

Агар Нодирбек қолган 3 та турда пешқадамликни сақлаб қолса, у ушбу статистикани ўзгартиради ва тарихда Magnus Карлсендан кейин бу натижага эришган иккинчи шахматчи бўлади.

Иброҳим Жалолов

Редактор

0 0 0 0 0 0