Shaxmat. Abdusattorov tarixiy statistikani o‘zgartirishi mumkin!

Grand Chess Tour seriyasida shu vaqtgacha rapid yo‘nalishida 2-o‘rindan past natija qayd etib, yakunda butun turnirda g‘olib chiqqan Magnus Karlsendan bo‘lak birorta ham shaxmatchi kuzatilmagan.

Nodirbek Abdusattorov musobaqaning rapid qismida 11 ochko to‘plab, 3-o‘rinni egallagan edi.

18 turdan iborat blits bahslarining 15 turi ortda qoldi. Hamyurtimiz 22 ochko to‘plab, Alireza Firuzja bilan 1-o‘rinni bo‘lishib turibdi.

Karlsen bunday kambekni o‘z faoliyatida 4 marta amalga oshirishga erishgan.

Agar Nodirbek qolgan 3 ta turda peshqadamlikni saqlab qolsa, u ushbu statistikani o'zgartiradi va tarixda Magnus Karlsendan keyin bu natijaga erishgan ikkinchi shaxmatchi bo‘ladi.

Ibrohim Jalolov

Redaktor

0 0 0 0 0 0