«Samarkand Marathon» халқаро хайрия югуриш марафонига старт берилди
Бугун Самарқанд шаҳрида "Samarkand Marathon" халқаро хайрия югуриш марафонига старт берилди. Дастлаб, Регистон майдонида “КИДС РУН” йўналишида 3 ёшдан 11 ёшгача бўлган болалар ўртасида пойгалар бўлиб ўтди. Шунингдек, скандинавча юриш мусобақалари ўтказилди.
Эртага, 9 ноябр куни марафоннинг асосий беллашувларида 40 га яқин давлатдан 8 минг нафардан зиёд иштирокчи қатнашиши кутилмоқда.
Беллашувларда иштирокчилар 5, 10, 21.1, 42.2 километр масофаларни босиб ўтади. 42.2 километрлик беллашув учун ҳомийлар томонидан пул мукофоти таъсис этилган бўлиб, биринчи ўринга 30 миллион сўм, иккинчи ўринга 25 миллион сўм ва учинчи ўрин учун 20 миллион сўм берилади.
Марафон доирасида турли ёш тоифасида ва имконияти чекланган шахслар ўртасида ҳам пойгалар ташкил этилади.
