«Samarkand Marathon-2025» ғолиблари тақдирланди
“Samarkand Marathon-2025” анъанавий халқаро хайрия марафонининг асосий беллашувлари якунланди.
Мусобақада иштирокчилар 5, 10, 21.1, 42.2 километр масофаларни босиб ўтишди.
Натижаларга кўра, 5 километрдаги пойгада эркаклар баҳсида ҳамюртимиз Алишер Аҳматуллаев, аёллар ўртасида Даря Андропова маррага биринчи бўлиб етиб келди.
10 километр мусобақада эркаклар баҳсида япониялик Юта Шитарага, аёллар беллашувида россиялик Анастасия Сличенковага тенг келадигани топилмади.
21,1 километр масофага ўтказилган пойгада россиялик спортчилар Ринас Аҳмадеев ҳамда София Каменева ғолиб бўлди.
42,2 километр масофадаги баҳсларда сурхондарёлик Шоҳруҳ Давлатов биринчи ўринни эгаллади. Аёллар баҳсида эса кениялик Жасинта Чепкоеч финишга биринчи бўлиб етиб келди.
Марафонда турли ёш тоифасида ва имконияти чекланган фуқаролар ўртасида ҳам ғолиблар аниқланди. Мусобақа ғолибларига пул мукофоти ва эсдалик совғалари топширилди.
