Saint Louis Rapid & Blitz: Абдусатторов ва бошқалар қанча мукофот пули олди?
АҚШнинг Сент-Луис шаҳрида ўтган 175 000 долларлик Saint Louis Rapid & Blitz 2025 турнири Левон Ароняннинг ғалабаси билан якунланди. Арманистонлик гроссмейстер бош соврин сифатида 13 рейтинг очкоси ва 40 000 доллар мукофот пулини қўлга киритди.
Иккинчи ўриндаги Фабиано Каруана (АҚШ) 10 очко ва 30 000 долларга эга бўлди. Учинчи бўлган франциялик Максим Вашье-Лаграв эса 8 очко билан 25 000 доллар ишлаб олди.
Блиц йўналишида биринчи ўринни олган, бироқ умумий натижада 4-ўрин билан чекланган Нодирбек Абдусатторов 7 очко ва 20 000 доллар мукофотга эга чиқди.
Турнир жадвалининг охирида қолган Сэм Шанкланд (АҚШ) эса 1 очко ва 7 000 доллар билан кифояланди.
Grand Chess Tour доирасидаги тўртинчи мусобақадан сўнг Максим Вашье-Лаграв умумий ҳисобда 28 очко ва 122 667 доллар билан етакчилик қилмоқда. Абдусатторов эса учта турнирдан кейин 18 очко тўплаб, жами 57 000 доллар мукофот пулини ўз ҳисобига қўшиб қўйди.
