Саидёқуб Қаҳрамонов Жон Жонcга тегишли лигада UFC жангчисига қарши рингга чиқади
Ўзбекистонлик аралаш яккакураш устаси Саидёқуб Қаҳрамоновнинг навбатдаги жанги санаси ва рақиби маълум бўлди. 29 ёшли спортчимиз навбатдаги беллашувини 15 июнь куни АҚШнинг Флорида штатидаги Майами шаҳрида жойлашган The Hangar at Regatta Harbour аренасида ташкил этиладиган DBX 2 турнири доирасида ўтказади.
Ушбу мусобақа Dirty Boxing форматида, яъни махсус қоидаларга асосланган бокс жанглари билан мухлисларга намоён бўлади. Саидёқуб Қаҳрамоновнинг рақиби — америкалик тажрибали UFC жангчиси Алекс Касерес бўлади. Бу икки спортчи учун ҳам Dirty Boxing доирасидаги илк жанг ҳисобланади. Улар финалдан олдинги асосий жанг — co-main event сифатида октагонга чиқишади.
Турнирнинг марказий жангида суринамлик машҳур UFC жангчиси Жаирзиньо Розенструйк ва Power Slap иштирокчиси Девон Шван ўзаро тўқнаш келади.
Маълумот учун, Dirty Boxing лигаcига оғир вазн тоифасидаги UFC чемпиони Жон Жонc ҳам эгалик қилади. Ушбу лиганинг илк мусобақасида ўзбекистонлик яна бир жангчи — Анвар Бойназаров иштирок этиб, рақибини илк раундда нокаутга учратганди.
Аввалроқ Саидёқуб Қаҳрамоновнинг 17 май куни WXC 97 (Warrior Xtreme Cagefighting) мусобақаси доирасида собиқ UFC жангчиси Хосе Жонсонга қарши жанг қилиши кераклиги ҳақида хабар берилганди. Бироқ, номаълум сабабларга кўра, ушбу беллашув амалга ошмади.
