Саидёқуб Қаҳрамонов жанг қиладиган Dirty Boxing 2 турнирининг тўлиқ карди эълон қилинди
Тошкент вақти билан 15 июн куни АҚШнинг Флорида штати, Майами шаҳрида жойлашган The Hangar at Regatta Harbour аренасида Dirty Boxing Championship 2 (DBX 2) турнири бўлиб ўтади.
Бу галги турнирда ўзбекистонлик 29 ёшли аралаш жанг санъати устаси, UFC’нинг собиқ жангчиси Саидёқуб Қаҳрамонов ҳам қатнашади. У энг енгил вазн тоифасидаги жангда америкалик тажрибали UFC жангчиси Алекс Касересга қарши октагонга чиқади. Мазкур тўқнашув турнирнинг асосий жангидан аввалги — co-main event сифатида ташкил этилади. Қаҳрамонов ва Касерес учун бу Dirty Boxing ташкилоти доирасидаги илк жанг бўлади.
Турнирнинг марказий жангида esa суринамлик машҳур UFC жангчиси Жаирзиньо Розенстрайк Power Slap иштирокчиси Девон Шванга қарши рингга чиқади.
Ташкилотчилар DBX 2 мусобақасининг тўлиқ жанглар картасини эълон қилишди.
