Сафина Садуллаева Осиё чемпионатида кумуш медални қўлга киритди

Корея Республикасининг Гуми шаҳрида ўтаётган енгил атлетика бўйича Осиё чемпионатининг бугунги кунида ҳам Ўзбекистон терма жамоаси аъзоси шоҳсунага кўтарилди.

Аёллар ўртасида баландликка сакраш дастурида қатнашган Сафина Садуллаева кумуш медал соҳибасига айланди.

Ҳамюртимиз мусобақада 1.86 метр натижа қайд этишга эришди. Шунингдек, бугун иштирокини якунлаган ватандошларимиздан Ўғирой Норбоева етти кураш дастурида 5461 очко тўплаб тўртинчи, узунликка сакраш секторида эса Анвар Анваров 7.98 метр билан бешинчи натижани қайд этди.

Баландликка сакраш, Осиё чемпионати:

Пужа Пужа (Ҳиндистон) – 1.89 метр

Сафина Садуллаева (Ўзбекистон) – 1.86

Елизавета Матвеева (Қозоғистон) – 1.86

Насрулло Каримов

Журналист