Россиялик фигурист Иван Попов Ўзбекистон терма жамоасига ўтади

Россиялик фигурист Иван Попов спорт фуқаролигини ўзгартиради ва эндиликда Ўзбекистон шарафини ҳимоя қилади. Бу ҳақда «РИА Новости Спорт» манбаси хабар берди.

Поповнинг Ўзбекистон терма жамоасига ўтиши масаласи 13 май, сешанба куни бўлиб ўтадиган Россия Фигурали учиш федерацияси (ФФККР) ижроқўм йиғилишида кўриб чиқилади. Манбаларга кўра, қарор ижобий бўлиши кутилмоқда.

Иван Попов мураббий Инна Смирнова қўл остида тайёргарлик кўради. 2024/2025 йилги мавсумда у Россия Гран-при туркумининг биринчи ва учинчи босқичларида 7-ўринни эгаллади. Россия чемпионатида 8-ўринни эгаллаган. Шунингдек, 2024 йилги Россия чемпионатида сакраш бўйича мусобақада жамоавий ҳисобда ғолиб, шахсий баҳсда кумуш медалга сазовор бўлган.

Бакрадзе Иман

Редактор