Rossiyalik figurist Ivan Popov O‘zbekiston terma jamoasiga o‘tadi
Rossiyalik figurist Ivan Popov sport fuqaroligini o‘zgartiradi va endilikda O‘zbekiston sharafini himoya qiladi. Bu haqda "RIA Novosti Sport" manbasi xabar berdi.
Popovning O‘zbekiston terma jamoasiga o‘tishi masalasi 13-may, seshanba kuni bo‘lib o‘tadigan Rossiya Figural uchish federatsiyasi (FFKKR) ijroqo‘m yig‘ilishida ko‘rib chiqiladi. Manbalarga ko‘ra, qaror ijobiy bo‘lishi kutilmoqda.
Ivan Popov murabbiy Inna Smirnova qo‘l ostida tayyorgarlik ko‘radi. 2024/2025-yilgi mavsumda u Rossiya Gran-pri turkumining birinchi va uchinchi bosqichlarida 7-o‘rinni egalladi. Rossiya chempionatida 8-o‘rinni egallagan. Shuningdek, 2024-yilgi Rossiya chempionatida sakrash bo‘yicha musobaqada jamoaviy hisobda g‘olib, shaxsiy bahsda kumush medalga sazovor bo‘lgan.
