Рейтинг учун 720 очко қўшиб қўйган Шукуржон Аминова жаҳон чемпионатини кучли бешликда якунлади

Бошқа спорт турлари 15 ийн 2025 да 14:45

Иброҳим Жалолов

Редактор

Будапешт шаҳри мезбонлик қилаётган катталар ўртасидаги жаҳон чемпионатининг учинчи куни баҳслари якун сари яқинлашмоқда.

Бироз аввал ҳамюртимиз Шукуржон Аминова жаҳон чемпионатининг бронза медали учун франциялик Сара-Леони Сизикка қарши татамига чиқди. Асосий тўрт дақиқаликда ғолиб аниқланмади. Қўшимча дақиқалардаги битта усул тажрибали, номдор Сизикка бронза медалини тақдим этди.

Таъкидлаш жоиз, Сара-Леони Токио-2020 Олимпиадаси яккалигида кумуш, аралаш жамоавий баҳсларда олтин, Париж-2024 Олимпия ўйинларининг яккалигида бронза, аралаш жамоавий беллашувларда яна олтин медални қўлга киритган. Жаҳон чемпионатларининг уч карра совриндори ҳисобланади. Европа чемпионатида 1 та кумуш, 3 та бронза медалига эга чиққан.