Ражабали Шайдуллаев RIZIN ва PFL чемпионлик камарларини бирлаштирди
Қирғизистонлик MMA жангчиси Ражабали Шайдуллаев Японияда бўлиб ўтган Super RIZIN 5 турнирининг марказий жангида америкалик Эй Жей МакКини мағлуб этди. Шу тариқа у RIZIN чемпионлик камарини ҳимоя қилиш билан бирга PFL’нинг вакант чемпионлик камарини ҳам қўлга киритди.
Жанг тўлиқ уч раунд давом этди ва якунда ҳакамлар бир овоздан Шайдуллаевнинг ғалабасини қайд этди. Ушбу тўқнашувда бир вақтнинг ўзида RIZIN ва PFL’нинг ярим енгил вазндаги чемпионлик камарлари ўртага қўйилганди.
Шу тариқа 25 ёшли Шайдуллаев икки ташкилот чемпионлик камарини ўзида жамлади ва профессионал фаолиятидаги мағлубиятсиз сериясини давом эттирди. Унинг ҳисобида эндиликда 19 та ғалаба ва 0 та мағлубият мавжуд. Шулардан 18 таси муддатидан олдин қўлга киритилган.
Маълумот учун, Super RIZIN 5 турнири 10 сентябрь куни Япониянинг Осака шаҳридаги “Kyocera Dome Osaka” аренасида ташкил этилди. Шайдуллаев RIZIN’да 2024 йилдан буён жанг қилиб келмоқда.
