Расман: Волкановски ва Лопес ўртасида реванш жанги тасдиқланди
Тўқнашув 31 январ куни Сиднейда бўлиб ўтади.
Бошқа спорт турлари
Sports24.uz'ни Google'га қўшиш
ФОТО: Getty Images
UFC’нинг яримёнгил вазн тоифаси чемпиони, австралиялик Александр Волкановски навбатдаги жанги 2026 йил 31 январ куни Сиднейда бўлиб ўтадиган UFC 325 турнирида ўтказади. Унинг рақиби бразилиялик Диего Лопес бўлади.
Волкановски ва Лопес октагонда иккинчи бор тўқнаш келишади. Уларнинг илк жанги 12 апрел куни UFC 314 турнирида бўлиб ўтган ва унда Волкановски ҳакамларининг якдил қарори билан ғалаба қозонган эди. Шу кунга қадар у октагонга қайтмаган. Австралиялик жангчи фаолияти давомида 27 та ғалаба ва тўрт мағлубият қайд этган.
Лопес эса Волкановскидан учралган мағлубиятдан сўнг 13 сентябр куни ўтган «UFC Fight Night 259» турнирида Жан Силва устидан техник нокаут билан ғалаба қозонди.
Насрулло Каримов
Журналист