Расман: Турки Ал аш-Шайх Кроуфорд – Алварес жангининг санаси ва жойини эълон қилди
Саудия Арабистони Бош савдо ва кўнгилочар тадбирлар бошқармаси раҳбари Турки Ал аш-Шайх жорий йилнинг энг кутилган жангларидан бири ҳақида расмий баёнот берди.
Саул Алвареснинг кубалик Уилям Скаллага қарши жангидан сўнг (мексикалик боксчи ғалаба қозонган) Эр-Рияддаги октагонда Ал аш-Шайх рингга чиқиб, Алвареснинг навбатдаги рақиби Теренс Кроуфорд бўлишини маълум қилди. Кроуфорд — икки вазн тоифасида собиқ мутлақ жаҳон чемпиони.
Ушбу супержанг 12 сентябр куни АҚШнинг Лас-Вегас шаҳридаги Allegiant Stadium аренасида бўлиб ўтади. Жангда ўрта вазн тоифасидаги иккинчи мутлақ чемпионлик камари хавф остида бўлади.
Эслатиб ўтамиз, Саул Алварес жуфт вазн тоифасида мутлақ чемпионликни қўлга киритиб, Уилям Скаллни очколар бўйича мағлуб этган эди. Теренс Кроуфорд эса охирги бор 2024 йил 3 август куни рингга чиқиб, ўзбекистонлик Исроил Мадримовни мағлуб этган.
