Расман: Гетжи ва Пимблет вақтинчалик чемпионлик камари учун жанг қилишади
Тўқнашув 24 январь санада бўлиб ўтади.
Бошқа спорт турлари
Sports24.uz'ни Google'га қўшиш
ФОТО: Getty Images
UFC расмий равишда собиқ вақтинчалик чемпион, америкалик Жастин Гетжи ва британлик Педди Пимблет ўртасидаги жангни эълон қилди. Гетжи — Пимблет баҳси 24 январь куни Лас-Вегасда бўлиб ўтадиган UFC 324 турнири доирасида ўтказилади.
Гетжи ва Пимблет UFC'нинг енгил вазн тоифасидаги вақтинчалик чемпионлик камари учун кураш олиб боришади.
Жастин Гетжи MMA’да 31 та жанг ўтказган бўлиб, улардан 26 тасида ғалаба қозонган, беш марта эса мағлуб бўлган. Унинг охирги жанги 8 март куни бўлиб ўтган ва унда у UFC 313 турнирида Рафаэл Физиевни мағлуб этган.
Педди Пимблет MMA’да 26 та жангда қатнашган: 23 ғалаба ва уч мағлубият. Унинг охирги баҳси 12 апрель куни ўтган UFC 314 турнирида Майкл Чандларни мағлуб этиш билан якунланган.
Насрулло Каримов
Журналист