Расман: Генри Сехудо UFC рўйхатидан ўчирилди
38 ёшли америкалик жангчи, UFC’да икки вазн тоифасида собиқ чемпион бўлган Генри Сехудо ҳамда 31 ёшли БАА вакили Муҳаммад Яҳё Дана Уайт бошчилигидаги UFC промоушенидан расман чиқарилди.
Сехудо Лас-Вегасда бўлиб ўтган UFC 323 турнирида ватандоши Пейтон Талботтга қарши жангда ҳакамларнинг якдил қарори билан мағлуб бўлганидан сўнг фаолиятини якунлашини эълон қилди.
У UFC тарихи кам сонли икки вазн тоифасида чемпионлик камарини қўлга киритган жангчилардан бири бўлиб, энг енгил ва енгил вазн тоифаларида чемпион бўлган, ҳар икки камарни ҳимоя қилган ҳамда бир қатор машҳур рақибларни мағлуб этган. Шунингдек, Сехудо 2008 йилги Олимпиада ўйинларининг эркин кураш бўйича ғолиби ҳисобланади. Фаолияти давомида у 16 та ғалаба ва 6 та мағлубият қайд этган.
Муҳаммад Яҳё эса UFC’да учта жанг ўтказган бўлиб, уларнинг барчасида мағлубиятга учраган.
