Расман: Генри Сехудо ММАдаги фаолиятини якунлади
UFC’нинг икки вазн тоифасида собиқ чемпион бўлган америкалик Генри Сехудо Лас-Вегасда бўлиб ўтган UFC 323 турнирида ҳамюрти Пейтон Талботтга ҳакамлар бир овоздан чиқарган қарори билан мағлуб бўлди ва ўзининг профессионал фаолиятига якун ясады.
Сехудо профессионал ММАда 16 та ғалаба ва 6 та мағлубиятга эга. У 38 ёшда. Бугунги жангдан сўнг Генри имконият яратиб бергани учун UFC президенти Дана Уайтга самимий миннатдорчилик билдирди. Шунингдек, у октагонда таниқли менежер Али Абдел-Азиз билан ҳам хайрлашди.
Эслатиб ўтамиз, Сехудо UFCда икки карра чемпион бўлган — у бантамвейт ва флайвейт тоифаларида камарни қўлга киритиб, иккала чемпионликни ҳам муваффақиятли ҳимоя қилган. Шунингдек, Генри 2008 йилги Олимпия ўйинларида эркин кураш бўйича чемпионликни қўлга киритган.
