«Раҳбар кубоги» мусобақаси республика босқичи бошланди
Аввал хабар берганимиздек, бугун Самарқанд шаҳрида Ўзбекистон Республикаси Спорт вазирлиги ҳамда тизим ташкилотлари марказий аппарати ходимлари ўртасида спортнинг мини-футбол тури бўйича "Раҳбар кубоги" спорт мусобақасининг республика босқичи бошланди.
Мусобақанинг очилиш маросимида Спорт вазири маслаҳатчиси Шарифжон Моминджанов, Миллий Олимпия қўмитаси вилоят ҳудудий бўлинмаси ижрочи директори Қаюм Собиров ҳамда спорт бошқармалар раҳбарлари, вазирлик ва вилоят жамоалари таркиби, ҳакамлар, спортчи-ёшлар иштирок этди.
Тадбирда сўз олганлар томонидан таъкидланганидек, ушбу мусобақалардан кўзланган асосий мақсад соғлом турмуш тарзини шакллантириш, соҳа ходимларининг ижтимоий фаоллиги ва жамоавийлигини ошириш ҳамда саломатлигини мустаҳкамлашдан иборатдир.
Вазирлик ҳамда тизим ташкилотлари марказий аппарати ходимларидан иборат 15 та жамоа "Раҳбар кубоги" учун икки кун давомида қизғин баҳс олиб боришади.
