\"Президент Олимпиадаси\" доирасида велоспортнинг трек йўналиши бўйича ёшлар ва катталар ўртасида Республика турнирининг очилиш маросими бўлди
Олимпия шаҳарчасида "Президент Олимпиадаси" спорт мусобақалари доирасида велоспортнинг трек йўналиши бўйича ёшлар ва катталар ўртасида Республика биринчилиги бўлиб ўтмоқда. Унда юртимизнинг барча ҳудудларидан ташриф буюрган спортчилар ғолиблик учун кураш олиб боряпти.
Мусобақанинг расмий очилиш маросимида Ўзбекистон Миллий Олимпия қўмитаси Бош котиби Ойбек Қасимов ҳамда Ўзбекистон велоспорт федерацияси раиси биринчи ўринбосари Қозим Ўринбойхўжаев иштирок этди. Сўзга чиққанлар ўз нутқларида мамлакатимизда велоспортни ривожлантириш, соғлом турмуш тарзини тарғиб қилиш ҳамда халқаро майдонда рақобатбардош спортчиларни тайёрлаш борасида амалга оширилаётган ислоҳотлар ҳақида айтиб ўтишди.
Тадбир давомида республика турнирининг дастлабки кун ғолиб ва совриндорлари тақдирланди.
