Польшанинг Сопот шаҳрида CSI1* ва CSIO4* тоифасидаги халқаро мусобақа расман бошланди
Польшанинг Сопот шаҳрида CSI1* ва CSIO4* тоифасидаги халқаро мусобақа расман бошланди
10 июн куни Польшанинг Сопот шаҳрида от спортининг тўсиқлардан сакраш (конкур) йўналиши бўйича CSI1* ва CSIO4* халқаро мусобақалари расман бошланди.
Ўзбекистон терма жамоасидан мусобақада Ғозиев Баҳромжон, Қурбонов Бекзод ва Абдуллаев Абдурахмон иштирок этмоқдалар.
Мусобақалар олдидан барча иштирокчи отлар учун мажбурий ветеринария назорати (Vet Check) ўтказилди. Ўзбекистон терма жамоаси чавандозларининг отлари ветеринария кўригидан муваффақиятли ўтиб, мусобақада иштирок этишга рухсат олди.
Эндиликда спортчиларимиз халқаро майдонда юртимиз шарафини ҳимоя қилиб, совринли ўринлар ҳамда FEI рейтинг очколари учун баҳс олиб борадилар.
Ўзбекистон терма жамоасига омад, муваффақиятли стартлар ва юқори натижалар тилаймиз!