Пара пауэрлифтинг: Баҳрайн мезбонлигидаги Жаҳон чемпионати тақвими эълон қилинди
Пара пауэрлифтинг: Баҳрайн мезбонлигидаги Жаҳон чемпионати тақвими эълон қилинди
Жорий йилда Баҳрайн илк бор пара пауэрлифтинг бўйича Жаҳон чемпионатига мезбонлик қилади. Мусобақалар 27-ноябрь куни ўсмирлар ва ёшлар ўртасидаги беллашувлар билан старт олади. Шунингдек, 28-ноябрдан 5-декабргача катталар ўртасида дунё биринчилиги баҳслари ўтказилади.
Баҳрайн-2026 мусобақаси WPPO тарихи учун Жаҳон чемпионатлари кетма-кет уч йил давомида ўтказилаётган илк ҳолат бўлади. Бу Осиё қитъасида ўтказилаётган саккизинчи чемпионат ҳисобланади. Эслатиб ўтамиз, Қоҳирада бўлиб ўтган 2025 йилги биринчиликда вакилларимиз Элита тоифасидаги баҳсларда 1 та олтин, 5 та кумуш ва 3 та бронза, ўсмир-ёшлар ўртасидаги беллашувларда эса 7 та олтин, 11 та кумуш ҳамда 9 та бронза медалларига эга чиқишган эди.
