Para pauerlifting: Bahrayn mezbonligidagi Jahon chempionati taqvimi e'lon qilindi
Para pauerlifting: Bahrayn mezbonligidagi Jahon chempionati taqvimi e'lon qilindi
Joriy yilda Bahrayn ilk bor para pauerlifting bo'yicha Jahon chempionatiga mezbonlik qiladi. Musobaqalar 27-noyabr kuni o'smirlar va yoshlar o'rtasidagi bellashuvlar bilan start oladi. Shundan so‘ng, 28-noyabrdan 5-dekabrgacha kattalar o'rtasida dunyo birinchiligi bahslari o‘tkaziladi.
Bahrayn-2026 musobaqasi WPPO tarixida Jahon chempionatlari ketma-ket uch yil davomida o‘tkazilayotgan ilk holat bo‘ladi. Bu Osiyo qit'asida o‘tkazilayotgan sakkizinchi chempionat hisoblanadi. Eslatib o'tamiz, Qohirada bo’lib o’tgan 2025-yilgi birinchilikda vakillarimiz Elita toifasidagi bahslarda 1 ta oltin, 5 ta kumush va 3 ta bronza, o'smir-yoshlar o'rtasidagi bellashuvlarda esa 7 ta oltin, 11 ta kumush hamda 9 ta bronza medallariga ega chiqishgan edi.
