Ўзбекистонда регби бўйича U-19 чемпионати якунланди

Тошкент шаҳри Сергели туманида жойлашган спорт мактаби стадионида регбининг U-19 (ўғил ва қизлар) йўналишидаги мамлакат чемпионати бўлиб ўтди. Мусобақада юртимизнинг турли ҳудудларидан 12 та ўғил болалар ва 5 та қизлар жамоаси иштирок этиб, чемпионлик учун қатъий кураш олиб борди.

Беллашувлар узлуксиз рақобат ва юқори шиддат билан ўтди. Натижалар қуйидагича:

Ўғил болалар ўртасида:
1-ўрин — Хоразм вилояти
2-ўрин — Тошкент шаҳри
3-ўрин — Наманган вилояти

Қизлар ўртасида:
1-ўрин — Хоразм вилояти
2-ўрин — Қорақалпоғистон Республикаси
3-ўрин — Ўзбекистон Миллий университети

Ғолиб ва совриндор жамоалар ташкилотчилар томонидан диплом, медал ҳамда эсдалик совғалари билан тақдирланди.

Бакрадзе Иман

Редактор