От спортиннинг тўсиқлардан сакраш тури бўйича катталар ўртасида яккалик-жамоавий Ўзбекистон чемпионати
От спортиннинг тўсиқлардан сакраш тури бўйича катталар ўртасида яккалик-жамоавий Ўзбекистон чемпионати.
2026-йил 1–4-апрел кунлари Universal Horses Stableда катталар ўртасида от спортиннинг тўсиқлардан сакраш (конкур) йўналиши бўйича Ўзбекистон чемпионати бўлиб ўтмоқда. Мусобақа яккалик-жамоавий йўналишда ташкил этилиб, мамлакатимизнинг энг кучли чавандозлари ҳамда уларнинг отларини жамлаган мавсумнинг энг муҳим спорт тадбирларидан бири ҳисобланади.
Бугун, 1-апрел куни чемпионатнинг биринчи куни бўлиб, мусобақалар бошланишидан аввал отлар мажбурий ветеринария кўригидан ўтказилди. Мусобақага олиб келинган барча отлар кўрикдан муваффақиятли ўтди.
Мазкур ветеринария кўриги мажбурий ҳисобланиб, спортчилар ва отлар хавфсизлигини таъминлаш, шунингдек отларнинг чемпионат давомида иштирок этишга тўлиқ тайёрлигини кафолатлайди.
