От спортининг учкураш йўналиши бўйича кичик ўсмирлар, ўсмирлар ва ёшлар ўртасида Ўзбекистон чемпионати
Марказий ипподромида от спортининг энг мураккаб ва томошабоп йўналишларидан бири ҳисобланган учкураш бўйича кичик ўсмирлар, ўсмирлар ва ёшлар ўртасида мусобақа бошланди. Мусобақа 22-25-май кунлари бўлиб ўтади ҳамда от ёрттириш, кросс ва тўсиқлардан сакраш (конкур) йўналишларини ўз ичига олади.
Бугун мусобақанинг биринчи куни — отларнинг мажбурий ветеринария кўриги VetCheck бўлиб ўтди. Барча отлар ветеринария назоратидан муваффақиятли ўтиб, мусобақанинг кейинги босқичларига қўйилди.
Эртага эса спортчилар учкурашнинг биринчи йўналиши — от ёрттириш бўйича баҳсларини бошлайди.
Мусобақа дастури:
• 23-май — от ёрттириш 09:30
• 24-май — кросс 09:30
• 25-май — соат 07:00 да отларнинг такрорий VetCheck ветеринария кўриги, соат 8:00 да эса тўсиқлардан сакраш (конкур) баҳслари бўлиб ўтади
Уч кун давомида спортчилар уч йўналиш бўйича ўз маҳорат, чидамлилик ва от билан уйғунлигини намоён этиб, ғолиблик учун кураш олиб борадилар.
