От спорти. Ўзбекистонлик спортчи Элина Акромова АҚШда ўтказилган халқаро мусобақада бронза медалига сазовор бўлди
Ўзбекистонлик спортчи Элина Акромова АҚШда ўтказилган халқаро мусобақада бронза медалига сазовор бўлди.
2025 йил 17 ноябрь куни Америка Қўшма Штатларида от спортнинг тўсиқлардан сакраш 100 см баландликда show jumping йўналиши бўйича нуфузли халқаро мусобақа бўлиб ўтди.
Мазкур мусобақада Ўзбекистон шарафини мамлакатимиз терма жамоаси аъзоси Элина Акромова ҳимоя қилди.
Элина Акромова юқори рақобат ва тажрибали иштирокчилар орасида муносиб иштирок этиб, муваффақиятли чиқишлари натижасида учинчи ўринни эгаллади ҳамда бронза медали билан тақдирланди.
Ушбу натижа спортчимизнинг халқаро майдондаги муҳим ютуқларидан бири бўлиб, мамлакатимизда от спорти ривожига берилаётган эътибор ва қўллаб-қувватлаш самарасидир. Шунингдек, мазкур ғалаба Ўзбекистон от спортининг жаҳон спорт майдонидаги нуфузини янада оширишга хизмат қилади.
