От спорти. Ўзбекистон терма жамоаси отлари Европага эсон-омон етиб келди

Қиш мавсумида Ўзбекистоннинг етакчи чавандозлари одатда машғулотлар ўтказиш ва мусобақаларда иштирок этиш учун Бирлашган Араб Амирликларида фаолият олиб боради. Баҳор фасли келиши билан жамоа яна Евроосиёга қайтади.

Жорий йилда Яқин Шарқдаги ҳарбий вазиятнинг кескинлашуви сабабли БАА ҳудудидан парвозларни амалга ошириш бироз мураккаблашди. Шунга қарамай, терма жамоа отларини мамлакатдан хавфсиз олиб чиқишга муваффақ бўлинди. Улар аввал самолёт орқали Люксембургга етказилди, сўнгра Польшадаги тайёргарлик базасига йўл олди.

Апрель ойида ўзбекистонлик чавандоз Бекзод Қурбановни яна муҳим сафар кутмоқда. Спортчи Жаҳон кубоги финал босқичига йўлланма олди. Ушбу нуфузли мусобақа апрель ойининг бошида Техасда бўлиб ўтади.

Иброҳим Жалолов

Редактор