От спорти. Ўзбекистон чавандозлари БААнинг Фужайра шаҳридаги CSI3* мусобақасида иштирок этади
Ўзбекистон чавандозлари БААнинг Фужайра шаҳридаги CSI3* мусобақасида иштирок этади.
2025 йил 20–23 ноябрь кунлари Бирлашган Араб Амирликларининг Фужайра шаҳрида от спортнинг тўсиқлардан сакраш йўналиши бўйича CSI3* даражасидаги халқаро мусобақа бўлиб ўтади. Мазкур мусобақада дунёнинг бир қатор давлатларидан етакчи чавандозлар иштирок этиши режалаштирилган.
Ушбу нуфузли мусобақада Ўзбекистон терма жамоаси ҳам қатнашади. Жамоа таркибидан қуйидаги чавандозлар иштирок этади:
Қурбанов Бекзод
Абдуллаев Феруз
Абдуллаев Абдураҳмон
Терма жамоамизнинг иштироки халқаро тажриба орттириш, рейтинг очколарини қўлга киритиш ҳамда Ўзбекистонда от спорти ривожига ҳисса қўшиш имконини яратади.
Мазкур мусобақада юртимиз номидан иштирок этадиган спортчиларимизга омад ва муваффақият тилаймиз.
