От спорти. Тошкентда учкураш бўйича мусобақа бошланди
Тошкент Марказий ипподромида катталар ўртасида от спортинг энг мураккаб ва томошабоп йўналишларидан бири ҳисобланган учкураш бўйича мусобақа бошланди. Мусобақа 17–20-май кунлари бўлиб ўтади ҳамда от ёрттириш, кросс ва тўсиқлардан сакраш (конкур) йўналишларини ўз ичига олади.
Бугун мусобақанинг биринчи куни — отларнинг мажбурий ветеринария кўриги VetCheck бўлиб ўтди. Барча отлар ветеринария назоратидан муваффақиятли ўтиб, мусобақанинг кейинги босқичларига қўйилди.
Эртага эса спортчилар учкурашнинг биринчи йўналиши — от ёрттириш бўйича баҳсларини бошлайди.
Мусобақа дастури:
• 18-май — от ёрттириш 09:00
• 19-май — кросс 08:00
• 20-май — соат 08:00 да отларнинг такрорий VetCheck ветеринария кўриги, соат 10:00 да эса тўсиқлардан сакраш (конкур) баҳслари бўлиб ўтади
Уч кун давомида спортчилар уч йўналиш бўйича ўз маҳорат, чидамлилиги ва от билан уйғунлигини намоён этиб, ғолиблик учун кураш олиб борадилар.
