Осиё ўйинлари. Ўзбекистон 10-олтин медални қўлга киритди
Бугун, 27 сентябрь куни Япониянинг Айчи-Нагоя шаҳарларида ўтаётган Осиё ўйинларининг 8-куни доирасидаги баҳслар давом этмоқда. Кун доирасидаги кураш баҳсларида Ўзбекистон делегацияси 2 та олтин ва 1 бронза медалга эга чиқди.
Аёллар ўртасида -57 кг вазн тоифасида иштирок этган Ибодатхон Ағожонова финал баҳсида Хитой Тайпейи вакили Ван Ван-Тинг Лини мағлуб этиб, олтин медаль соҳиби бўлди.
Эркаклар ўртасида +90 кг вазн тоифасида баҳс олиб борган Шоҳруххон Бахтиёров ҳам Осиё ўйинлари чемпионига айланди. Бахтиёров финалда тожикистонлик Шакармамад Мирмамадов устидан ғалаба қозониб, делегация ҳисобига навбатдаги олтин медални қўшди.
Ҳозирга келиб Ўзбекистон делегациясининг Осиё ўйинларидаги жами медаллар сони 37 тага (10 та олтин, 17 та кумуш ва 10 та бронза) етди. Айни дамда Ўзбекистон умумжамоа ҳисобида 4-ўринда бормоқда.
