O'Melli: «Агар ютқазганимда, фаолиятимни якунлардим»
Енгил вазн тоифасида (61 кг гача) собиқ UFC чемпиони, америкалик Шон О’Мелли Лас-Вегасдаги UFC 324 турнирида хитойлик Сон Ядонгга қарши кечган жангидан сўнг диладагиларини ошкор қилди.
«Sugar» лақабли жангчининг айтишича, ушбу жанг унинг фаолиятидаги охиргиси бўлиши мумкин эди.
О’Мелли UFCга берган интервьюсида вазн ташлаш азоблари ва мотивация ҳақида ҳам тўхталиб ўтди:
«Ҳеч қачон олдиндан билиб бўлмайди... Агар мағлуб бўлганимда: "Вазн ўлчаш маросимлари жонимга тегди, ҳаммасига лаънат!" деб айтган бўлардим. Буни аниқ қилармидим ёки йўқ, билмайман, лекин эҳтимоли жуда юқори эди. Мен вақти келганини ҳис қилсам, спортни тарк этаман. Ютқазганимда, бу менинг сўнгги жангимга айланиши мумкин эди. Чунки менинг ҳаётим спортдан ташқарида ҳам етарлича гўзал.
Жанг олдидан хаёлимдан қўрқинчли бир ўй ўтди: "Мен буни қанчалик хоҳлаяпман? Агар жанг пайтида ўзимга шу саволни беришга тўғри келса, худди Петр Янгга қарши бўлгани каби боримни бера оламанми?". Ва мен ўз саволимга жавоб топдим», — дейди О’Мелли.
Эслатиб ўтамиз, О’Мелли ушбу жангда ғалаба қозониб, ўзининг чемпионлик пойгасидаги позициясини сақлаб қолди.
